Raza Musani 
مناما : بحرین میں زیر حراست شیعہ مذہبی رہنماؤں کی حمایت میں مختلف شہروں اور علاقوں میں احتجاجی مظاہرے کیے گئے ہیں۔ مظاہرین نے علما کے خلاف عدالتی کارروائی ختم کرنے اور ان کی رہائی کا مطالبہ کیا ہے۔ دوسری جانب انسانی حقوق کی تنظیموں نے گرفتار مذہبی رہنماؤں کے ساتھ مبینہ ناروا سلوک پر تشویش کا اظہار کیا ہے۔ پریس ٹی وی کے مطابق دراز، کرباباد، المرخ، ابوصیبع، سماہیج، کرانہ، الحجر، ابوقوہ، شہرکان اور جزیرہ سترہ میں شہریوں نے سڑکوں پر نکل کر زیرحراست مذہبی رہنماؤں کی حمایت میں نعرے لگائے۔
مظاہرین نے علما کے خلاف عدالتی کارروائی ختم کرنے اور اسے فرقہ وارانہ بنیادوں پر مقدمات قرار دیتے ہوئے مسترد کرنے کا مطالبہ کیا۔رپورٹ کے مطابق بحرین میں مئی اور جون کے دوران 50 سے زائد شیعہ مذہبی رہنماؤں اور خطیبوں کو حراست میں لیا گیا تھادوسری جانب انسانی حقوق کی 20 تنظیموں نے زیرحراست افراد پر تشدد، جبری اعترافات اور منصفانہ عدالتی کارروائی کے حق کی مبینہ خلاف ورزیوں پر تشویش ظاہر کی ہے۔بحرین کی حکومت کا مؤقف ہے کہ یہ اقدامات قومی سلامتی کے تحفظ کے لیے کیے جا رہے ہیں، جبکہ ناقدین ان کارروائیوں کو مذہبی آزادی اور شہری حقوق کے لیے تشویش ناک قرار دیتے ہیں۔
