Raza Musani 
سری نگر: مقبوضہ جموں و کشمیر میں بھارتی پولیس اور ایس آئی اے نے ایک بار پھر صحافیوں اور رضاکاروں کے گھروں پر چھاپے مارے۔ جموں وکشمیر کے سری نگر، شوپیاں، بانڈی پورہ، اسلام آباد، بڈگام اور پلوامہ میں سات مقامات پر گھروں کی تلاشی لی گئی۔ یہ چھاپہ مار کارروائی صحافیوں کو آن لائن دھمکی اور ٹیرر فنڈنگ معاملے میں کی گئی ہے۔ جن لوگوں کے گھروں پر چھاپے مارے گئے ان میں اخبار کے مدیر اور ڈی ڈی سی رکن بھی شامل ہیں۔ چھاپوں کے دوران کئی موبائل فون، سی ڈی، دیگر ڈیجیٹل اشیاء، اہم دستاویزات، بینک کاغذات پولیس نے ضبط کر لیے ہیں۔ پولیس نے گذشتہ ہفتے بھی صحافیوں کے گھروں پر چھاپے مارے تھے۔
