Raza Musani 
جنین: غاصب اسرائیلی فوج کی جارحیت جاری، صیہونی فوج نے جنین میں گولیاں مار کر تین فلسطینیوں کو شہید کردیا۔صیہونی فوج نے جنین پناہ گزین کیمپ میں چھاپہ مارا ۔ فلسطینیوں نے چھاپے کیخلاف مزاحمت کی تو فوجیوں نے فائرنگ کردی جس سے دو نوجوان شہید اور ایک زخمی ہوگیا۔ شہدا کی شناخت نعیم جمال الزبیدی اور محمد ایمن السعدی کے نام سے ہوئی ہے۔ واقعہ سے چند گھنٹے قبل صیہونی افواج نے جنین میں 22 سالہ نوجوان محمد بدر کو سینے میں گولی ماری ۔اسے اسپتال لےجایا گیا تاہم وہ جانبر نہ ہوسکا۔ رواں سال فلسطینیوں کے لیے 2005 کے بعد سب سے مہلک سال ثابت ہوا ہے۔ اب تک 200 سے زائد فلسطینی شہید ہو چکے ہیں۔
