Raza Musani 
تہران : ایران اور چین کے درمیان 16 مفاہمت کی یادداشتوں پر دستخط ہوئے ہیں۔ سمجھوتوں کے تحت ایران اور چین دو طرفہ تجارتی تبادلوں, صنعت، ریلوے، سائنس، ٹیکنالوجی اور زراعت کے شعبوں میں مشترکہ سرمایہ کاری کو آسان بنائیں گے۔ ایران کے مرکزی بینک کے ڈپٹی گورنر کے مطابق ایران اور چین کے درمیان تعاون کی اسٹریٹجک پارٹنرشپ کو عملی عملی جامہ پہنانے کی راہ ہموار کرنےکے لیے مناسب مالیاتی اور بینکنگ میکانزم کو جلد از جلد حتمی شکل دینے پر زور دیا گیا اور اس سلسلے میں ضروری معاہدے کیے گئے۔ ایرانی اور چینی بینکنگ حکام نے چین میں مقیم ایرانیوں اور ایرانی تاجروں کے بینکاری امور میں موجودہ رکاوٹوں کو جلد از جلد ختم کرنے پر بھی اتفاق کیا۔
