چین کا تیل و گیس کی تجارت یوآن میں کرنے کا اعلان

ریاض : چین نے ڈالر کا مقابلہ کرنے کیلئے تیل اور گیس کی تجارت یوآن میں کرنے کا اعلان کردیا۔ ریاض میں خلیج تعاون کونسل کے اجلاس سے خطاب میں چین کے صدر شی جن پنگ نے کہاکہ چینی پیٹرولیم کمپنیوں کو تیل اور گیس کی تجارت میں یوآن کو استعمال کرنا چاہیے۔ چین دوطرفہ سرمایہ کاری اور اقتصادی تعاون کے ورکنگ میکانزم قائم کرے گا، مقامی کرنسی کے تبادلے کے تعاون کو آگے بڑھائے گا اور ڈیجیٹل کرنسی تعاون کو گہرا کرے گا۔اس سے قبل سعودی ذرائع بھی یوآن کے عوض تیل فراہم کی حامی بھر چکے ہیں ۔تاکہ چینی درآمدات کی ادائیگی ممکن ہوسکے۔ یہ ایک ایسا اقدام ہے جو عالمی تجارت پر امریکی ڈالر کی گرفت کو کمزور کرے گا اور یوآن کو بین الاقوامی سطح پر مضبوط کرے گا۔ خلیج فارس میں چین کے بڑھتے ہوئے اثر و رسوخ نے امریکا کو بے چین کر دیا ہے۔