Raza Musani 
کراچی: ڈپٹی سینٹرل کراچی وسطی نے یوم شہادت بی بی فاطمہ زہرا سلام اللہ علیہا پر بو تراب امام بارگاہ سے برآمد ہونے والے جلوس کا اجازت نامہ منسوخ کردیا۔ رسول خدا (ص) کی بیٹی کے یوم شہادت کی مناسبت سے رواں سال پہلی بار کراچی میں جلوس نکالنے کا فیصلہ کیا گیا تھا اور اس کیلئے مولانا سید علی حیدرزیدی نے باقاعدہ این او سی بھی حاصل کرلیا تھی یہ جلوس 26 دسمبر کو رات گیارہ بجے جامع مسجد و امام بارگاہ بوتراب عزیزآباد نمبر 8 سے نکالا جانا تھا اور اسے اسلامک ریسرچ سینٹر پر اختتام پذیر ہونا تھا۔ ڈپٹی کمشنر ضلع وسطی نے 5 دسمبر کو جلوس کا باقاعدہ پرمٹ جاری کردیا تھا تاہم تین دن بعد اچانک این او سی کینسل کردی گئی اور اس کی کوئی وجہ بھی نہیں بتائی گئی ہے۔ ملک میں جب سے ایام فاطمیہ کو بھرپور طریقے سے منائے جانے کا سلسلہ شروع ہوا تکفیریوں کو شدید پریشانی کا سامنا ہے اور وہ ایام فاطمیہ کے خلاف ہرزہ سرائی کرتے رہتے ہیں۔
