Raza Musani 
تل ابیب: صیہونی آبادگاروں نے مسجد اقصیٰ پر دھاوا بولنے کی دھمکی دیدی۔مستقبل کے صیہونی وزیر اتمار بن گویر کی زیرقیادت گروپوں نے دھمکی دی ہے کہ حنوقہ کی تعطیل کے موقع پر وہ اتوار کو مسجد اقصیٰ پر دھاوا بولیں گے اور اگلے ہفتے کے آغاز تک دھاوا جاری رکھیں گے۔ وہ ایک ہفتہ طویل یہودی حنوقہ کی تعطیل کے آغاز کے ساتھ ہی مسجد اقصیٰ پر بڑے پیمانے پر دھاوا بولیں گے۔ ان گروہوں نے پچھلے ہفتے دراندازیوں کی تیاری اور بڑے پیمانے پر تشہیر شروع کی تھی جس میں انہوں نے واضح طور پر مسجد اقصیٰ کے اندر داخلے اور لائٹنگ کا مطالبہ کیا تھا۔ فلسطینی تنظیوں نے صیہونی کو کسی بھی اشتعال انگیز اقدام سے خبردار کرتے ہوئے مسلمانوں سے چوکس رہنے کی اپیل کی ہے۔ تاکہ جنونیوں کی کوششوں کو ناکام بنایا جا سکے۔ کمیٹی نے کہاہے کہ انتہا پسند گروہ اسرائیل میں سیاسی ماحول اور اگلی اسرائیلی حکومت کے فاشسٹ رجحانات سے فائدہ اٹھانے کی کوشش کر رہے ہیں تاکہ وہ اپنے پروگراموں کو جاری رکھ سکیں۔
