Raza Musani 
برسلز : یورپی یونین نے مقبوضہ مغربی کنارے میں یورپی تعاون سے چلنے والا اسکول گرانے پر اسرائیل کی شدید مذمت کی ہے۔ یورپی یونین کے ترجمان پیٹر اسٹینو نے کہاکہ ہیبرون میں اسکول کی مسماری بچوں کے تعلیم کے حق کی خلاف ورزی ہے۔ انہدامی کارروائیاں بین الاقوامی قانون کے تحت غیر قانونی ہے اور بچوں کے تعلیم کے حق کا احترام کیا جانا چاہیے۔ یہ ناقابل قبول پیشرفت ایسے وقت ہوئی ہے جب اسرائیلی سپریم کورٹ کے فیصلے کے تحت مسافیر یطہ کے 1200 فلسطینیوں کو جبری منتقلی کا خطرہ لاحق ہے۔ یورپی یونین نے اسرائیلی حکام سےمسماری اور بیدخلی کی تمام کارروائیاں روکنے کا کا مطالبہ کیا ہے، جس سے فلسطینیوں کے مصائب اور پہلے سے کشیدہ ماحول میں مزید اضافہ ہوگا۔
