Nawa-e-Islam Home Page - نوائے اسلام

امریکا نے ایران سے روانہ ہونے والے تجارتی جہاز کو نشانہ بنادیا

واشنگٹن: امریکی بحریہ نے ایرانی بندر گاہ سے روانہ ہونے والے تجارتی جہاز کو نشانہ بنادیا، جس سے جہاز میں آگ لگ گئی، متحدہ عرب امارات کے نیشنل گارڈ کا کہنا ہے کہ انھوں نے بحیرۂ عمان میں ایک کارگو جہاز میں آگ لگنے کے بعد 22 افراد کو بحفاظت نکال لیا ہے۔ امریکی سینٹرل کمانڈ نے کہا ہے کہ جہاز کو نشانہ تب بنایا گیا جب اس کے عملے نے متعدد انتباہات کو نظرانداز کرتے ہوئے مبینہ طور پر ایران کے خلاف بحری ناکہ بندی کی خلاف ورزی کی کوشش کی۔ جہاز پر سینٹ کٹس اینڈ نیوس کا پرچم آویزاں تھا۔ امریکی فوج کا کہنا ہے کہ کارروائی سے پہلے جہاز کے عملے کو ان حصوں سے دور ہونے کی ہدایت دی گئی تھی جنھیں نشانہ بنایا جانا تھا۔سینٹ کام کے مطابق یہ جہاز ایک ایرانی بندرگاہ پر رُکنے کے بعد خطے کے پانیوں سے نکلنے کی کوشش کر رہا تھا۔

سعودی فضائیہ کا یمن پر وحشیانہ حملہ، 33 افراد شہید، 39 زخمی

صنعا: یمن کے دارالحکومت صنعا کے قریب سعودی فضائی حملوں میں 33 افراد شہید اور 39 زخمی ہو گئے ہیں۔ شہدا میں زیادہ تر خواتین اور بچے شامل ہیں۔ کئی زخمیوں کو تشویشناک حالت میں ہسپتال منتقل کیا گیا ہے۔ بعض افراد کے سر، سینے اور ٹانگوں پر شدید چوٹیں آئی ہیں اور ہڈیاں ٹوٹ گئی ہیں۔ صبا نیوز ایجنسی کے مطابق یہ حملے سنیچر سات نومبر کو مشرقی صنعا کے علاقے بنی حشیش میں رہائشی علاقے میں کیے گئے۔ امدادی کارکنوں سمیت متعدد افراد اب بھی ملبے تلے دبے ہوئے ہیں۔ دوسری جانب سعودی عرب کا کہنا ہے کہ وہ ان حملوں سے متعلق اطلاعات کی تحقیقات کر رہا ہے۔