Nawa-e-Islam Home Page - نوائے اسلام

ایران پر حملوں کا احتساب نہ ہوا تو پوری دنیا غیر محفوظ ہو جائے گی، عراقچی

تہران : ایران کے وزیر خارجہ عباس عراقچی نے خبردار کیا ہے کہ اگر امریکا اور اسرائیل کو ایران کے خلاف جارحیت پر جواب دہ نہ ٹھہرایا گیا تو اس سے بین الاقوامی قوانین کی ساکھ ختم ہو جائے گی اور دنیا کے تمام ممالک کی سلامتی خطرے میں پڑ جائے گی۔جاپانی خبر رساں ادارے کیوڈو نیوز میں شائع ہونے والے اپنے مضمون میں عباس عراقچی نے کہا کہ امریکا اور اسرائیل کے ایران پر حملے اقوام متحدہ کے چارٹر میں طاقت کے استعمال پر عائد پابندی کی واضح خلاف ورزی اور ایران کی خودمختاری کی صریحاً خلاف ورزی ہیں۔ وزیر خارجہ عباس عراقچی نے لکھا کہ ایران پر امریکی فوجی حملے کی اقوام متحدہ کی سلامتی کونسل نے کوئی اجازت نہیں دی تھی۔ انہوں نے مزید کہا کہ مستقبل میں ممکنہ خطرات کے محض الزامات کو بھی اپنے دفاع کے نام پر فوجی کارروائی کا قانونی جواز نہیں بنایا جاسکتا۔ایرانی وزیر خارجہ کے مطابق عالمی قوانین کی اس خلاف ورزی کے اثرات صرف ایران کی سلامتی یا مشرق وسطیٰ میں طاقت کے توازن تک محدود نہیں رہیں گے بلکہ پوری دنیا متاثر ہوگی۔ انہوں نے لکھا کہ اگر قانون پر طاقت کو غالب آنے دیا گیا تو اس کا

فضائی نظام میں خرابی، امریکا بھر میں 4 گھنٹے تک پروازیں معطل

واشنگٹن: امریکا میں فضائی نظام میں خرابی کی وجہ سے تمام پروازیں چار گھنٹے تک معطل رہیں، امریکا کے تمام ہوائی اڈوں پر پروازوں کی روانگی روکی گئی جس سے ایک اور نائن الیون کی افواہیں پھیل گئیں، ایئرپورٹس پر افراتفری کے مناظر دیکھے گئے، لاکھوں مسافر اندرون اور بیرون ملک اپنی منزل پر روانہ نہ ہوسکے۔ فضائی نظام میں خرابی کے باعث 13 ہزار سے زائد پروازیں متاثر ہوئیں۔ فضائی نظام پر سائبر حملے یا تخریب کاری کی تاحال سرکاری تصدیق نہیں ہوسکی ہے۔ حکام کا کہنا ہے کہ تکنیکی خرابی سے ریڈار اور ائیر ٹریفک کنٹرول کی صلاحیت متاثر ہوئی، امریکی وزیر ٹرانسپورٹ کا کہنا ہے کہ خرابی سے 22 ائیر ٹریفک کنٹرول مراکز متاثر ہوئے، ایف اے اے کے تکنیکی ماہرین تحقیقات کر رہے ہیں۔