Raza Musani 
نئی دہلی : بھارت میں ہندو توا انتہا پسند کھل کر تبدیلی مذہب کیخلاف میدان میں آگئے۔ وشواہندو پریشد نے ملک بھر میں نفرت انگیز مہم شروع کردی۔ وی ایچ پی کے جوائنٹ جنرل سیکریٹری ڈاکٹر سریندر جین نے کہا ہے کہ بجرنگ دل نے یکم دسمبر کو ملک گیر عوامی بیداری مہم شروع کردی ہے جو 10 دسمبر تک جاری رہے گی۔ وشو ہندو پریشد 21 سے 31 دسمبر تک دھرم رکھشا ابھیان شروع کرے گی۔ درگا واہنی کے ذریعے لڑکیوں میں بیداری پیدا کر کے ڈیٹرنٹ فورس بنائی جائے گی۔ انہوں نے نام نہاد لو جہاد کیخلاف واویلا کرتے ہوئے لو جہاد اور تبدیلی مذہب پر پابندی لگانے کے لئے سخت قانون فوری طور پر بنایا جائے۔ انہوں نے دعویٰ کیا کہ ہندوستان میں مسلم معاشرے کو ترقی کے لئے ہندوؤں سے زیادہ حقوق حاصل ہیں۔ انہوں نے لو جہاد کے 400 سے زیادہ واقعات کی فہرست بھی جاری کی اور ایک مضبوط مرکزی قانون کی سخت ضرورت پر زور دیا۔
