ایران میں جاری احتجاج سے انقلاب کو کوئی خطرہ نہیں، سربراہ اسرائیلی ملٹری انٹیلی جنس

تل ابیب : صیہونی حکام نے بھی اعتراف کیا ہے کہ ایران میں جاری احتجاج سے انقلاب کو کوئی خطرہ نہیں۔ اسرائیلی ملٹری انٹیلی جنس کے سربراہ میجر جنرل اهارون حاليفا نے تل ابیب یونیورسٹی میں خطاب کرتے ہوئے کہاکہ ایران میں جاری تحریک کچھ ایسی شکل میں تبدیل ہونا شروع ہو گئی ہے جسے عوامی بغاوت یا انقلاب کہا جا سکتا ہے۔ لیکن اس سے ایرانی حکومت یا نظام کو کوئی حقیقی خطرہ لاحق ہوتا نظر نہیں آ رہا۔ انہوں نے کہاکہ جب آپ واقعات کو دیکھتے ہیں اور ان کے وقت اور اداروں کو پہنچنے والے نقصان اور اموات کی تعداد کو دیکھتے ہیں تو کچھ ایسا مختلف ہوا ہے جو حکومت کو پریشان کر رہا ہے۔ تاہم عوام کے رویے کی پیش گوئی کرنا ملٹری انٹیلی جنس سروس کے سربراہ کے لیے ممکن نہیں ہے۔