سوئیڈن میں ایک مرتبہ پھر قرآن پاک کی بےحرمتی

اسٹاک ہوم : سوئیڈن میں توہین قرآن کا ایک اور واقعہ پیش آیا ہے۔ دارلحکومت اسٹاک ہوم میں شرپسندوں نے سینٹرل مسجد کے دروازے پر جلا ہوا قرآن مجید لٹکا دیا، زنجیروں میں جکڑے سوختہ قرآنی نسخے کے باعث مسلمانوں میں تشویش کی لہر دوڑ گئی۔ مسجد انتظامیہ نے ایک بیان میں کہا کہ مسجد اور منتظمین کو بڑے پیمانے پر دھمکیاں مل رہی ہیں۔ نسل پرست ہمیشہ ان لوگوں کو بدنام کرنے کی نئی نئی کوششیں کرتے ہیں جو ان کے جیسے نہیں ہیں۔ منتظمین نے کہاکہ جلے ہوئے قرآن کو باندھ کر مسجد کے دروازے پر لٹکانے کا مقصد مسلمانوں کی توہین ہے۔ سوئیڈن میں طویل عرصے سے قرآن جلانے کی مہم زوروں پر ہے۔