اسلام آباد : وزیراعظم کے مشیر برائے سیاسی امور رانا ثنا اللہ نےکہا ہےکہ بلاول بھٹو کے اس بیان پرکہ 27 ویں ترمیم جبری اکثریت سے کی گئی ان کی نااہلی کا خطرہ پیدا ہوگیا ہے۔ رانا ثنا اللہ نےکہا کہ اگر ایک پارٹی کا لیڈر یہ کہے کہ میں نے دباؤ میں آکر آئینی ترمیم پر ووٹ دیا ہے تو اس بیان سے ان کی نااہلی بھی ہوسکتی ہے۔ رانا ثنا اللہ نےکہا کہ بلاول بھٹو 27 ویں ترمیم کے تحت بننے والے جوڈیشل کمیشن کے بینیفشری ہیں۔27 ویں ترمیم کے بعد جوڈیشل کمیشن بنا اور بلاول بھٹو بھی اس کے رکن ہیں۔ بلاول نے ناراضی میں آج یہ باتیں کی ہیں، بلاول سندھ کی تقسیم کی بات پر ناراض ہوئے ہیں، وہاں واقعی ان کے لیے ایک مسئلہ ہے، ہمیں شروع سے پتا ہے سندھ کی تقسیم کی بات پر پیپلز پارٹی کے تحفظات ہیں۔


































