Ilyas 
صحت مند اولاد ایک نعمت
جب بھی امام سجاد علیہ السلام کو یہ خوشخبری دی جاتی کہ آپ کے ہاں بچہ پیدا ہوا ہے تو آپ اس سے پہلے کہ یہ پوچھیں کہ لڑکا ہے یا لڑکی، یہ سوال کرتے: کیا وہ تندرست ہے؟ جب آپ کو بتایا جاتا کہ بچہ تندرست ہے تو آپ فرماتے: سب تعریفیں اس خدا کے لیے ہیں جس نے مجھے ناقص یا بیمار اولاد نہیں دی۔
مختصر وضاحت:
بیٹا ہو یا بیٹی، دونوں اللہ کی عطا ہیں۔ سب سے پہلی ترجیح یہ ہونی چاہیے کہ اولاد صحت مند ہو۔ آج بھی ہمارے معاشرے میں بیٹی کی پیدائش پر افسوس اور بیٹے کی پیدائش پر خوشی منائی جاتی ہے۔ امام سجادؑ کی یہ سنت ہمیں سکھاتی ہے کہ اصل خوشی اولاد کی صحت پر ہونی چاہیے، جنس پر نہیں۔
