Raza Musani 
کابل :افغانستان میں چین کی بڑھتی سرگرمیوں کے باعث چینی اہداف اور باشندے دہشت گردوں کے نشانے پر آگئے۔ دارالحکومت کابل میں دہشت گردوں نے ملٹی اسٹوری لونگان ہوٹل پر حملہ کیا ۔ ملٹی اسٹوری ہوٹل میں چینی شہری بڑی تعداد میں موجود ہوتے ہیں۔ دہشت گردوں نے فائرنگ کی اور دھماکے بھی سنے گئے۔ افغان فورسز کی جوابی کارروائی میں تین حملہ آور مارے گئے ہیں۔ حملے میں دو غیر ملکی بھی زخمی ہوئے ہیں جنہوں نے جان بچانے کے لیے ہوٹل کی کھڑکی سے چھلانگ لگائی۔ میڈیا پر گردش کرتی ویڈیوز میں لوگوں کو ہوٹل کی نچلی منزلوں کی کھڑکیوں سے نکلتے دیکھا جا سکتا ہے۔یہ ہوٹل چینی کاروباری افراد کا پسندیدہ ہے جو طالبان کے اقتدار میں آنے کے بعد بڑی تعداد میں افغانستان کا رخ کر رہے ہیں۔
