Raza Musani 
تہران : ولی امر مسلمین آیت اللہ سید علی خامنہ ای نے سیستان و بلوچستان میں معروف سنی عالم دین مولوی عبدالواحد ریگی کے اغوا اور ان کے قتل کی مذمت کرتے ہوئے کہا ہے کہ اس گھناؤنے جرم کے ذمہ داروں نے درحقیقت تمام ایرانی نسلی گروہوں کی خوشحالی اور اتحاد کی مخالف جماعتوں کی خدمت کی ہے آیت اللہ خامنہ ای نے اپنے پیغام میں المناک واقعے پر گہرے رنج و غم کا اظہار کرتے ہوئے متعلقہ حکام سے مطالبہ کیا ہے کہ وہ ملوث افراد کے خلاف فوری اور سنجیدگی سے قانونی کارروائی کریں اور انہیں انصاف کے کٹہرے میں لایا جائے۔ اس رحم دل اور بہادر عالم کے اغوا اور شہادت نے میرے دل کو بہت غم سے بھر دیا۔ یہ جرم کرنے والے ہمارے بلوچ ہم وطنوں کی خوشحالی اور پوری ایرانی قوم کے اتحاد کے مخالف دشمنوں کے بے غیرت کرائے کے سپاہی ہیں۔ متعلقہ اداروں کا فرض ہے کہ وہ مجرموں کے خلاف تیزی اور سنجیدگی سے قانونی چارہ جوئی کریں اور انہیں سزا دیں ۔ آیت اللہ خامنہ ای نے سنی عالم دین کے اہل خانہ اور صوبہ سیستان و بلوچستان کی تمام آبادی بالخصوص خاش اور ایران شہر کے باشندوں کے ساتھ تعزیت کی اور تمام ایرانیوں کیلئے خدا کی رحمت کی دعا کی۔
