Raza Musani 
کیف : یوکرین نے جوابی کارروائی کرتے ہوئے روس کی ائرفیلڈ اور فوجی اڈے کو نشانہ بنایا۔ روس کے علاقے کرسک میں ائرفیلڈ پر ڈرون حملہ کیا گیا جس سے تیل ذخیرہ کرنے والے ٹینک میں آگ لگ گئی۔ تاہم کوئی جانی نقصان نہیں ہوا۔ اس سے پہلے روسی وزارت دفاع نے یوکرین پر الزام لگایا تھا کہ اس نے ریازان کے علاقے میں ڈیاگیلوو ایئرفیلڈ اور سراتوف خطے میں اینگلز ایئرفیلڈ پر حملہ کرنے کی کوشش کی۔ ایک ڈرون کا ملبہ گرنے سےتین روسی فوجی ہلاک اور چار زخمی ہوگئے۔اس حملے کے بعد روس نے یوکرین پر میزائلوں کی بارش کردی۔ یوکرین نے دعویٰ کیا ہے کہ اس نے روس کی جانب سے داغے گئے ساٹھ کے قریب میزائلوں کو مار گرایا ہے۔
