Raza Musani 
واشنگٹن : امریکی وزیر خزانہ اسکاٹ بیسنٹ نے ایران پر اقتصادی دباؤ بڑھانے میں تعاون پر خلیجی ممالک کا شکریہ ادا کیا ہے۔ انہوں نے کہا کہ ایرانی بینکاری اور فضائی روابط محدود کرنے کے اقدامات کے نتیجے میں واشنگٹن کی اقتصادی دباؤ مہم کے نتائج سامنے آرہے ہیں۔
اسکاٹ بیسنٹ نے کہا کہ ترکیہ، عمان، متحدہ عرب امارات اور برطانیہ نے آپریشن اکنامک آؤٹ کاسٹ کے بعد کئی اقدامات کئے ہیں۔آپریشن کے تحت محکمہ خزانہ نے ایران کے مالیاتی اور فضائی شعبوں کو ہدف بناتے ہوئے پابندیاں عائد کیں اور دیگر ممالک کو بھی اقدامات پر آمادہ کرنے کے لیے ٹیمیں بھیجیں۔ انہوں نے کہا کہ ترکیہ اور عمان نے ماہان ایئر کی پروازیں روک دی ہیں، جبکہ متحدہ عرب امارات نے ایرانی ایئرلائنز کی پروازیں معطل کردی ہیں۔
متحدہ عرب امارات نے بھی رواں ہفتے ایرانی ایئرلائنز کی پروازیں معطل کرنے کی تصدیق کرتے ہوئے اس کی وجہ امریکی پابندیوں کو قرار دیا۔
