Raza Musani 
واشنگٹن :امریکا میں عسکری کارروائی سے متعلق صدارتی اختیارات کیخلاف آواز اٹھنے لگی۔ انسانی حقوق کی 37 تنظیموں کے اتحاد نے کانگریس سے مطالبہ کیا ہے کہ عسکری کارروائی کے صدارتی اختیارات ختم کئے جائیں۔ اتحاد نے عراق جنگ کی مثال پیش کی کہ کس طرح صدارتی اختیارات کا ناجائز فائدہ اٹھایا گیا۔ مشترکہ بیان میں زور دیا گیا کہ قانون سازی طویل عرصے سے التوا کا شکار ہے۔ انہوں اے یو ایم ایف کو فرسودہ قانون قرار دیتے ہوئے کہا یہ آئین کیلئے نقصان دہ ہے مستقبل میں اس کا غلط استعمال نیا سیکیورٹی بحران پیدا کرسکتا ہے اسی قرارداد کا استعمال کرکے جارج بش جونیئر عراق پر حملہ آور ہوئے اے یو ایم ایف کا حالیہ استعمال بھی عراق میں ہوا جب ڈونلڈ ٹرمپ کے حکم پر ایرانی جنرل قاسم سلیمانی اور عراقی تنظیم کے رکن مہندی المہندس کو نشانہ بنایا گیا۔
