Raza Musani 
تہران : ایران کی سپریم نیشنل سکیورٹی کونسل کے سیکریٹری میجر جنرل محسن رضائی نے امریکہ سے کہا ہے کہ اب وقت آگیا ہے کہ وہ تہران کی سات شرائط تسلیم کرتے ہوئے ہتھیار ڈال دے اور فرضی مذاکرات کے حوالے سے جعلی خبریں پھیلانا بند کرے۔ محسن رضائی کا کہنا ہے کہ امریکہ نے اسلامی جمہوریہ ایران کے خلاف جو جنگ شروع کی تھی، اس نے امریکی انتظامیہ کو پہلے ہی شدید نقصان پہنچا دیا ہے، لیکن وائٹ ہاؤس ایک مایوس جواری کی طرح اپنی شکست تسلیم کرنے سے انکار کر رہا ہے۔
انہوں نے سوشل میڈیا پر جاری بیان میں کہا کہ واشنگٹن کو اب فرضی مذاکرات سے متعلق جھوٹی خبریں بنانا بند کر دینی چاہئیں، مغربی ایشیا میں نئے عالمی و علاقائی نظام کے ظہور کو تسلیم کرنا چاہیے اور جنگ کے خاتمے کے لیے ایران کی جانب سے بار بار پیش کی جانے والی سات شرائط مان لینی چاہئیں۔ میجر جنرل محسن رضائی نے مزید کہا کہ ایران کے خلاف جنگ امریکی حکومت کو پہلے ہی تباہ کر چکی ہے، لیکن واشنگٹن ایک مایوس جواری کی طرح ہاتھ پاؤں مار رہا ہے۔ اب اپنی شکست تسلیم کرو، فرضی مذاکرات کے بارے میں جعلی خبریں پھیلانا بند کرو، مغربی ایشیا میں نئے نظام کے قیام سے انکار چھوڑ دو۔
