امریکا میں تاریخ رقم، عبدل السید پہلے مسلم سینیٹر منتخب

واشنگٹن: امریکا میں تاریخ رقم ہوگئی، عبدل السید امریکی تاریخ میں پہلے مسلم سینیٹر بن گئے۔ انہوں نے ریاست مشی گن میں سینیٹ کی نشست پر مائک راجرز کو شکست دے کر تاریخی کامیابی حاصل کر لی، امریکی میڈیا کے مطابق عبدل السید نے تقریباً 51.8 فیصد ووٹ حاصل کیے ہیں، جبکہ مائک راجرز نے لگ بھگ 46.2 فیصد ووٹ حاصل کیے۔ وکٹری اسپیچ میں عبدل السید نے کہا ہے کہ اپنی کامیابی عوام کے نام کرتا ہوں، یہ مزدوروں کی نہیں میری جنگ ہے، امریکا کی ترقی کے لیے کام کروں گا، ان کا کہنا ہے کہ میرے نام کو متنازع بنانے کی کوشش کی گئی، انتخابی مہم میں میرے عقیدے اور میرے نام کو نشانہ بنایا گیا، ٹرمپ کے الزامات کے باوجود جدوجہد جاری رکھی، انہوں نے ہمیں ہرانے کے لیے خطیر رقم خرچ کی لیکن مشی گن نے امید کو چن لیا۔
انتخابی مہم کے دوران صدر ڈونلڈ ٹرمپ نے انہیں ’جہادی‘ تک کہہ دیا تھا۔ ٹرمپ نے امریکی پارلیمنٹ میں ان کی موجودگی پر بھی سوالات اٹھائے تھے۔ لیکن انتخابی نتائج نے پوری کہانی بدل دی۔ جس رہنما کو ٹرمپ نے قومی سلامتی کے لیے خطرہ قرار دیا تھا، اب وہی امریکی سینیٹ پہنچنے جا رہے ہیں.