Raza Musani 
لاہور پاکستانی وزیر داخلہ رانا ثنا اللہ نے کہا ہے کہ مونس الٰہی کے بیان سے فوج کی سیاست میں عدم مداخلت کا موقف مشکوک ہوگیا۔ رانا ثنااللہ نے کہا کہ مونس الٰہی کو آخر ضرورت کیا تھی بیان دینے کی فوج کے نیوٹرل رہنے کے موقف کا بھٹہ ہی بٹھا دیا ہے۔اس بیان کی وضاحت ہونی چاہیے۔میں سمجھتا ہوں کہ اگر اس سے جنرل قمر باجوہ کو کوئی نقصان پہنچا بھی ہےتو وہ میٹر نہیں کرتا کیونکہ وہ جا چکے ہیں۔اس بیان نے فوج کے اس موقف پر شکوک پیدا کیے ہیں جو قوم کے سامنے اختیار کیا تھا اور کہا تھا کہ فیصلہ کیا گیا ہے کہ سیاست میں دخل نہیں دینا۔ وزیردثاخلہ نے کہاکہ کہ ہمیں پورا یقین ہے کہ ڈی جی آئی ایس پی آر اور ڈی جی آئی ایس آئی نے جو وعدہ کیا ہے وہ درست ہے اور اسی کے مطابق اپنی خدمات انجام دیں گے۔
وزیراعلی پنجاب کے بیٹے مونس الہی نے کہا تھا کہ آرمی چیف جنرل قمر جاوید باجوہ نے چوہدری پرویز الٰہی کو عمران خان کا ساتھ دینے کا کہا تھا۔
