Raza Musani 
اسلام آباد: تحریک انصاف کو فیض آباد میں جلسےکی اجازت مل گئی۔ راولپنڈی انتظامیہ نے 56 نکات پر مشتمل اجازت نامہ جاری کردیا ہے۔اس سلسلے میں جاری نوٹیفکیشن میں کہا گیا ہے کہ برطانیہ کی کرکٹ ٹیم کھیلنے کے لیے راولپنڈی پہنچ رہی ہے، لہٰذا جلسہ کرنے کے بعد جگہ کو مکمل طور پر خالی کیا جائے گا۔ انتظامیہ یقینی بنائے گی کہ عمران خان بتائے گئے روٹ کےعلاوہ کوئی اور روٹ استعمال نہیں کریں گے۔جلسے کے اختتام پر کوئی کارکن وہاں موجودنہیں رہےگا۔اسلحےاور آتش بازی پرمکمل پابندی ہوگی۔حالیہ تھریٹس کے بعد سیکیورٹی اقدامات کئےجائیں گے۔پولیس اورانتظامیہ تھریٹس الرٹ وقتاً فوقتاً بتاتے رہیں گے۔
ادھر عمران خان نے ویڈیو پیغام میں کہا کہ حقیقی آزادی انصاف سے ملتی ہے۔ جب تک حقیقی آزادی نہیں ملتی چپ بیٹھیں گے نہ جدوجہد چھوڑیں گے، عوام کیلئے زخم برداشت کیے۔زخمی حالت میں بھی پنڈی پہنچ رہےہیں۔ عوام اپنےحقوق کیلئے فوری پہنچیں۔
