Raza Musani 
تہران : ایرانی وزیرِ خارجہ عباس عراقچی نے گزشتہ 48 گھنٹوں کے دوران 12 ممالک کے وزرائے خارجہ سے ٹیلیفونک رابطے کیے۔ ان رابطوں میں علاقائی اور بین الاقوامی صورتحال سمیت امریکا اور اسرائیل کے اشتعال انگیز اقدامات پر تبادلۂ خیال کیا گیا، عباس عراقچی نے عمان، مصر، اردن، سعودی عرب، قطر، قبرص، ترکیہ اور کویت کے وزرائے خارجہ سے گفتگو کی جبکہ متحدہ عرب امارات، تیونس، عراق اور پاکستان کے وزرائے خارجہ سے بھی ٹیلیفونک رابطے کیے۔ ایرانی وزیرِ خارجہ نے گفتگو کے دوران بیرونی مداخلت کے بغیر علاقائی ممالک کے ذریعے امن کے قیام کی ضرورت پر زور دیا۔
