Raza Musani 
مدینہ : سعودی سیکیورٹی فورسز نے معروف شیعہ عالم شیخ کاظم العامری کو ایک بار پھر گرفتار کرکے نامعلوم مقام پر منتقل کردیا۔ شیخ کاظم العامری مدینہ المنورہ کی مسجد کےمتولی اور بزرگ مرجع آیت اللہ سیستانی کے وکیل ہیں۔ وہ مرحوم شیخ محمد العامری کے صاحبزادے ہیں انہیں رواں سال فروری اور 2010 میں بھی گرفتار کیا گیا تھا۔ گزشتہ ماہ سعودی سیکیورٹی فورسز نے ممتاز شیعہ عالم شیخ محمد العباد کو صوبہ الاحساء کے شہر العمران میں بغیر وارنٹ کے دوبارہ گرفتار کیا اور انہیں کسی نامعلوم مقام پر لے گئے۔ شیخ عباد کو 16 ستمبر 2019 کو بھی گرفتار کیا گیا تھا۔ نام نہاد عدالت نے اس وقت انہیں ڈھائی سال قید کی سزا سنائی تھی اور اسی مدت کی سفری پابندی عائد کر دی تھی۔ وہ گزشتہ مارچ میں رہا ہونے سے قبل تقریباً 3 سال تک قید میں رہے۔
