Raza Musani 
واشنگٹن : امریکی دباؤ کام کرگیا, پاکستان نے روس سے رعایتی ایندھن حاصل کرنے کی تردید کردی۔ پاکستانی وزیر خارجہ بلاول بھٹو زرداری نے امریکی نشریاتی ادارے سے انٹرویو میں کہا ہے کہ روس سے کوئی بھی رعایتی ایندھن لینے کی کوشش کر رہے ہیں نہ حاصل کر رہے ہیں۔ ہمیں روس سے جو بھی توانائی ملے گی اسے پراسیس کرنے میں کافی وقت لگے گا۔ بلاول بھٹو نے کہاکہ ہمیں انتہائی مشکل معاشی صورتحال، افراط زر، ایندھن کی قیمتوں میں اضافے کا سامنا ہے، لیکن توانائی کے عدم تحفظ کے پیش نظرہم اپنے علاقوں کو وسعت دینے کے لیے مختلف راستے تلاش کر رہے ہیں جہاں سے ہم اپنی توانائی حاصل کرسکتے ہیں۔ واضح رہے کہ وزیرمملکت برائے پٹرولیم ڈاکٹر مصدق ملک نے دورہ روس کے بعد پانچ دسمبر کو نیوز کانفرنس میں کہا تھا کہ ان کا دورہ انتہائی کامیاب رہا اور روس پاکستان کو رعایتی قیمت پر خام تیل اور ڈیزل فراہم کرے گا۔
