Raza Musani 
اسلام آباد :پاکستان نے دہشت گردی کے بڑھتے حملوں پر افغان پالیسی پر نظرثانی کی دھمکی دیدی وزیرِ خارجہ بلاول بھٹو نے کالعدم تنظیم تحریک طالبان پاکستان کو دو ٹوک پیغام میں کہا ہے کہ بس بہت ہو چکا۔ پاکستان سرحد پار دہشت گردی مزید برداشت نہیں کرے گا۔ پاکستان کے پاس دہشت گرد تنظیموں کو پاکستان کے دشمنوں کی جانب سے مالی اور دیگر معاونت کے شواہد موجود ہیں، پاکستان ان کے خلاف کارروائی کا حق رکھتا ہے۔کابل کی سابقہ حکومت کے عناصر بھی دہشت گردوں کی مالی معاونت میں ملوث ہیں۔بلاول بھٹو کا کہنا ہے کہ ان کی مالی معاونت کی جڑیں کاٹنا ہوں گی اور دہشت گرد کارروائیوں کے ذمے داران سے جواب طلب کرنا ہو گا۔ پاکستان کابل کی طالبان حکومت کے ساتھ اپنی پالیسی پر نظر ثانی کر سکتا ہے، لیکن تعلقات توڑنے کے متحمل نہیں ہو سکتے۔
