Raza Musani 
ریاض : سعودی عرب اپنی سرپرستی میں قائم کی گئی یمنی حکومت کو مضبوط بنانے کیلئے ایک ارب ڈالرکا اقتصادی پروگرام اسپانسر کرے گا۔ ریاض میں عرب مالیاتی فنڈ نے اقتصادی و مالیاتی و کرنسی اصلاحات پروگرام کی مدد کے لیے یمنی حکومت کے ساتھ معاہدے پر دستخط کیے ہیں۔سعودی وزیر خزانہ محمد الجدعان نے یہ معاہدہ یمنی حکومت کی مالی پوزیشن بہتر بنانے، مالیاتی و بینک سیکٹر کو جدید خطوط پر استوار کرنے، پرائیویٹ سیکٹر کے لیے ماحول سازگار بنانے کیلئے کیا گیا ہے۔ یہ معاہدہ پائدار اقتصادی ترقی کیلئے جاری اصلاحات میں مدد کیلئے بھی موثر کردار ادا کرے گا۔
یاد رہے کہ 26 مارچ دو ہزار پندرہ کو سعودی اتحاد نے یمن پر جارحیت شروع کی تھی اور اس وقت سے اب تک ہزاروں یمنی عام شہری شہید وزخمی ہو چکے ہیں، یہی نہیں سعودی اتحاد نے امریکہ اور اپنے اتحادی ممالک کی حمایت سے یمنی عوام کا محاصرہ بھی کر رکھا ہے اور وہ غذائی اشیا اور دوائیں نیز ایندھن تک یمن منتقل نہیں ہونے دے رہا ہے۔
سعودی اتحاد نے یمن کی بنیادی اور اقتصادی تنصیبات کو تباہ کرنے کیساتھ ساتھ اسکول، مدارس اور طبی مراکز کو بھی نہیں بخشا اور مساجد پر بھی حملے کئے لیکن اس کے باوجود سعودی اتحاد یمن میں اپنا کوئی مقصد حاصل نہیں کر سکا۔
