Raza Musani 
نیویارک : امریکی صدر ڈونلڈ ٹرمپ نے ایران کی سات روزہ جنگ بندی کی تجویز مسترد کرتے ہوئے نومبر میں ایران پر دوبارہ بمباری کا اشارہ دے دیا۔ امریکی اخبار وال اسٹریٹ جرنل نے دعویٰ کیا ہے کہ امریکی حکام نے ایران اور ثالثوں پر واضح کیا ہے کہ ایران کی ناکا بندی ختم کرنے کا کوئی منصوبہ نہیں۔ امریکا کا خیال ہے کہ مسلسل معاشی دباؤ بالآخر ایران کو امریکی شرائط پر معاہدے کے لیے مجبور کرسکتا ہے۔ رپورٹ میں کہا گیا ہے کہ سات ماہ سے جاری جنگ کے دوران ٹرمپ سفارتی رابطوں، فوجی کارروائی اور پابندیوں کے دباؤ کے درمیان حکمت عملی تبدیل کرتے رہے ہیں۔ نومبر میں وسط مدتی انتخابات کے بعد ایران پر نئے حملے شروع کرنے کی توقع ظاہر کی ہے۔
رپورٹ کے مطابق ایرانی مذاکرات کاروں نے قطر کے ثالثوں کے ذریعے پیشکش کی تھی کہ اگر امریکا ایرانی بندرگاہوں کی بحری ناکہ بندی ختم کردے تو آبنائے ہرمز دوبارہ کھولنے اور جوہری مذاکرات بحال کرنے پر آمادگی ہے۔
