ایران نے پاکستان سے ترجیحی تجارتی معاہدے میں درج تمام اشیاء کی درآمد پر پابندی ہٹادی

تہران : ایران نے ہمسایہ ممالک کے ساتھ اقتصادی سفارت کاری کو فروغ دینے کے اقدامات شروع کردیے ہیں۔ رپورٹس کے مطابق ایران نے پی ٹی اے کے تحت پاکستان کے ساتھ درج تمام اشیاء کی درآمد پر پابندی ہٹادی ہے۔پاکستان اور ایران نے ترجیحی تجارتی معاہدے پی ٹی اے پر مارچ 2004 میں دستخط کئے تھے جبکہ وفاقی کابینہ نے پریفرنشل ٹریڈ ایگریمنٹ کی مئی 2005 میں توثیق کی تھی۔ ستمبر 2006 میں پاکستان ایران ترجیحی تجارتی معاہدے کو فعال کیا گیا تھا۔