افغانستان میں شہری کمپاؤنڈ پر ڈچ فضائیہ کا حملہ غیر قانونی قرار، ہیگ کی عدالت کا ہرجانے کا حکم

ہیگ : نیدرلینڈ کی عدالت نے افغانستان میں ڈچ ائیر فورس کے شہری کمپاونڈ پر حملے کو غیر قانونی قرار دے دیا۔ عدالت نے حملے میں جاں بحق اہلخانہ کو ہرجانہ ادا کرنے کا حکم بھی دیا، یہ حملہ 17 جون 2017 کو کیا گیا تھا جس میں ڈچ ایف سولہ طیاروں نے چورا کے اسٹریٹجک علاقے کے قریب 28 گائیڈڈ بم داغے جن میں سے 18 قلاس نامی شہری کمپاونڈ پر گرے، اس حملے میں 18 افراد جاں بحق ہوگئے تھے۔ عدالت کا کہنا تھا کہ ڈچ فوج باضابطہ طور پر عکسری اور شہری اہداف میں امتیاز نہ کرسکی، ریاست کے پاس اس وقت موجود معلومات ناکافی تھیں، مرنے والوں میں ایک شخص کی اہلیہ، دو بیٹیاں، تین بیٹے اور ایک ایک درخواست کنندہ کی بہو بھی شامل تھیں۔