Raza Musani 
اسلام آباد: اسلامی تعاون تنظیم نے ہندوستان کے زیرانتظام کشمیر میں انسانی حقوق کی خلاف ورزیوں پر اظہارتشویش کرتے ہوئے کہا ہے کہ او آئی سی کشمیری بہن بھائیوں کو تنہا نہیں چھوڑے گی۔ سیکریٹری جنرل او آئی سی ابراہیم طٰہ ان دنوں پاکستان کے دورے پر ہیں۔ انہوں نے پاکستانی حکام سےملاقاتیں کیں۔ وزیر خارجہ بلاول بھٹو کے ہمراہ نیوزکانفرنس میں ابراہیم طٰہ نےکہا کہ کشمیری دہائیوں سے اپنے حقوق کے لیے جدوجہد کررہے ہیں۔ اسلامی تعاون تنظیم ہمیشہ مسئلہ کشمیر کے حل کے لیے آواز ا ٹھاتی رہی ہے۔ اورکسی بھی غیرقانونی اقدام کی مخالفت کی ہے۔ بلاول بھٹو زرداری نے کہا ہے کہ ہندوستان کشمیر میں انسانی حقوق کی سنگین خلاف ورزیاں کر رہا ہے اور کشمیری عوام پر مظالم ڈھا رہا ہے۔ عالمی برادری کو اس کا نوٹس لینا چاہیے اور اس حوالے سے اپنا کردار ادا کرنا چاہیے۔
