Raza Musani 
ٹورنٹو: کینیڈا کے شہر ٹورنٹو میں فائرنگ سے پانچ افراد ہلاک اور ایک شخص زخمی ہوگیا پولیس کے ساتھ فائرنگ کے تبادلے میں مشتبہ شخص بھی مارا گیا۔ فائرنگ کا یہ واقعہ کینیڈا کے شہر ٹورنٹو کے نواحی علاقے وان میں پیش آیا، مسلح شخص نے رہائشی عمارت میں گھس کر فائرنگ کی۔ اطلاع ملنے پر پولیس پہنچی تو اپارٹمنٹس کے مختلف حصوں سے پانچ لاشیں اور ایک شخص زخمی حالت میں ملا۔ لاشیں اور زخمی کو اسپتال منتقل کیا گیا۔ پولیس نے تحقیقات شروع کردی ہے۔یہ معلوم کیا جا رہا ہے کہ کیا ملزم اور متاثرین کے درمیان کسی قسم کا کوئی تعلق تو نہیں تھا۔
