لبنان: اقوام متحدہ کے امن مشن قافلے پر حملہ، آئرش فوجی ہلاک

بیروت : لبنان میں اقوام متحدہ کے قافلے پر حملے کے نتیجے میں امن مشن میں شامل آئرش فوجی ہلاک ہوگیا۔ لبنان میں اقوام متحدہ کے امن مشن کی دو بکتر بند گاڑیوں کو بیروت کی طرف جاتے ہوئے نشانہ بنایا گیا۔ حملہ آوروں نے قافلے پر چھوٹے ہتھیاروں سے حملہ کیا۔ حملے میں آئرش اہلکار ہلاک اور دوزخمی ہوگئے۔ آئرش وزیر دفاع کا کہنا ہے کہ وہ اقوام متحدہ کے سیکریٹری جنرل انتونیو گوتریس سے واقعے کے متعلق گفتگو کریں گے۔ اقوام متحدہ کے قافلے پر حملے کی وجوہات تاحال سامنے نہیں آسکیں۔