Raza Musani 
کابل : افغانستان میں ایرانی سفارتخانے نے غریبوں میں سردیوں کیلئے ایندھن کی تقسیم شروع کردی۔ کابل میں ایرانی سفارتخانے کی جانب سے غریبوں اور بیواؤں میں کوئلے اور لکڑی کی شکل میں ایندھن تقسیم کیا جارہا ہے۔ تاکہ وہ سخت سردی میں اپنے گھروں کو گرم رکھ سکیں اور کھانا پکا سکیں۔ سفارتخانے کے باہر صبح سے ہی ایندھن کے حصول کیلئے لمبی قطاریں لگ جاتی ہیں۔ سردیوں کی آمد کے ساتھ ہی افغان عوام کے حالات کے بارے میں خدشات بڑھ گئے ہیں۔انہیں گھروں کو گرم کرنے اور بعض اوقات کھانا پکانے کے لیے پلاسٹک، ٹائر اورفضلہ جلانا پڑتا ہے۔
