اسرائیل کو اپنا وجود خطرے میں نظر آنے لگا

مقبوضہ بیت المقدس : صیہونی فوج کے انٹیلی جنس ڈویژن کے سربراہ کا کہنا ہے کہ جب بھی ایران پر دباؤ بڑھتا ہے تو اس کا ردعمل بہت زیادہ جارحانہ ہو جاتا ہے اور یکم جنوری سے اب تک اسرائیل کے خلاف سائبر حملوں سمیت 100 اقدامات ریکارڈ کیے جا چکے ہیں۔ اہارون ہیلیوا کا کہنا ہے کہ ایران جلد ہی کم از کم علامتی طور پر یورینیم کو 90 فیصد کی سطح تک افزودہ کرنے کی کوشش کر سکتا ہے۔ لیکوڈ پارٹی سے تعلق رکھنے والے سابق وزیر زاہی ہنگبی نے کہا کہ اگر نیتن یاہو نے کارروائی نہیں کی تو اسرائیل کو اپنے وجود کے خطرے کا سامنا کرنا پڑے گا۔
آئی ڈی ایف کے انٹیلی جنس ڈویژن کے سربراہ لیفٹیننٹ جنرل اہارون ہیلیئیفا نے انسٹی ٹیوٹ فار نیشنل سیکیورٹی اسٹڈیز کانفرنس میں کہا کہ بین الاقوامی برادری کا سب سے بڑا امتحان اس وقت ہوتا ہے جب ایران 90 فیصد یورینیم کا خواب دیکھتا ہے چاہے وہ علامتی طور پر ایسا ہی کیوں نہ کرے۔