Raza Musani 
جنیوا : دنیا بھر میں ایک سال کے دوران ضرور ت مندوں کی تعداد ساڑھے 6کروڑ بڑھ گئی، اقوام متحدہ کا کہنا ہے کہ دنیا کے 70 ممالک میں ضرورت مندوں کی تعداد 23 کروڑ تک جاپہنچی ہے۔ ان ضرورت مند اور ناتواں لوگوں کی مدد کے لیے ریکارڈ 51.5 ارب ڈالر کی ضرورت ہے۔اقوام متحدہ اور شراکت دار تنظیموں کا کہنا ہے کہ اپیل کا حجم رواں سال کے مقابلے میں 25 فیصد زیادہ ہے۔ اقوام متحدہ کے سیکریٹری جنرل انتونیو گوتریس نے کہا کہ مشکلات کے سال کے دوران، اگلے سال زندگی بچانے کے آپریشنز کو فنڈ دینا ضروری تھاجو کہ لاکھوں انتہائی ضرورت مند لوگوں کے لیے امید کی کرن ہیں۔اقوام متحدہ کے مارٹن گریفتھس نے کہا ہے کہ ضروریات حیران کن حد تک زیادہ ہیں اور انہوں نے خبردار کیا کہ اس بات کا بہت زیادہ امکان ہے کہ اس سال کی ہنگامی صورتحال 2023 تک جاری رہے گی۔انہوں نے کہا کہ ضرورتیں بڑھ رہی ہیں کیونکہ ہم یوکرین میں جنگ، کووڈ-19 اور آب و ہوا کی تبدیل کے اثرات سے متاثر ہوئے ہیں۔ انہوں نے کہا کہ اندیشہ ہے کہ 2023 میں ان تمام رجحانات میں اضافہ ہو گا ۔ یہی وجہ ہے کہ ہم کہتے ہیں کہ ہمیں امید ہے کہ اگلا سال یکجہتی کا سال ہو گا بالکل اسی طرح جیسے رواں سال مصائب کا سال رہا ہے۔
