Raza Musani 
واشنگٹن : امریکا نے اسرائیل کو ایران پر ممکنہ حملے کیلئے تیار رہنے کی ہدایت کردی۔ اسرائیلی نیوز چینل بارہ کے مطابق امریکی حکام نے رواں ہفتے کے آغاز میں اسرائیلی فوج کے سربراہ ایال زامیر کو بتایا کہ آئندہ تین ہفتوں کے دوران ایران پر حملے کیلئے تیار رہیں۔ رپورٹ کے مطابق پینٹاگون نے امریکی سینٹرل کمانڈ کو ایران کیخلاف دوبارہ وسیع پیمانے پر جنگی کارروائی کے لیے تیاریاں مکمل کرنے کی ہدایت کی ہے۔ ایسی کسی بھی کارروائی کو اسرائیل کے ساتھ مربوط کیا جائے گا اور توقع ہے کہ اسرائیلی فوج بھی اس میں حصہ لے گی۔ رپورٹ کے مطابق دوبارہ جنگ شروع ہونے کی صورت میں اسرائیل کو ستائیس اکتوبر کو ہونے والے انتخابات ملتوی کرنا پڑ سکتے ہیں۔ اسرائیلی اندازوں کے مطابق ایران اسرائیل پر بڑے پیمانے پر میزائل حملہ بھی کرسکتا ہے۔ رپورٹ میں کہا گیا ہے کہ حملے کی کوئی مخصوص تاریخ طے نہیں کی گئی اور امریکی صدر ڈونلڈ ٹرمپ نے بھی ابھی حتمی فیصلہ نہیں کیا۔
