Raza Musani 
دی ہیگ : الجزیرہ نیٹ ورک نے انٹرنیشنل کرمنل کورٹ میں اسرائیلی فورسز کے خلاف صحافی شیریں ابوعاقلہ کے قتل کا مقدمہ دائر کیا ہے۔ فلسطینی نژاد امریکی صحافی شیریں ابو عاقلہ گیارہ مئی کو فلسطین کے شہر جنین میں اسرائیلی فائرنگ کا نشانہ بنی تھی۔ اسرائیلی فوج نے ان کی موت کو غیر ارادی قرار دیا تھا۔ الجزیرہ نے اپنی درخواست میں اسرائیلی موقف کو مکمل بے بنیاد قرار دیا ہے اور کہا کہ شواہد سے ثابت ہوتا ہے کہ یہ قتل جان بوجھ کر قتل کیا گیا۔ شواہد میں عینی شاہدین کے بیانات اور متعدد ویڈیوز شامل ہیں۔ ویڈیو فوٹیج سے صاف ظاہر ہوتا ہے کہ شیریں اور ان کے ساتھیوں پر اسرائیلی فورسز نے براہ راست فائرنگ کی تھی۔ ابو عاقلہ کی بھانجی نے الجزیرہ کی درخواست کی حمایت کرتے ہوئے کہاکہ شواہد بہت زیادہ واضح ہیں، ہم توقع کرتے ہیں کہ آئی سی سی کارروائی کرے گی۔ عرب چینل کے اقدام پر اسرائیلی وزیراعظم یائیر لاپڈ نے ہٹ دھرمی کا مظاہرہ کرتے ہوئے کہا کہ کوئی اسرائیلی فوجیوں سے تحقیقات نہیں کر سکتا نہ ہی کوئی اسرائیل کو اخلاقیات کا درس دے سکتا ہے۔
