شام میں فوجی کارروائی، ترکی نے روس سے مدد مانگ لی

انقرہ : ترک صدر رجب طیب اردوان نے کہا ہے کہ ان کے ملک نے روس سے شام کے شمالی علاقے میں کارروائی کے لیے مدد طلب کی ہے اور وہاں باہمی اقدامات پر تبادلہ خیال کیا ہے۔ ترکی شمالی شام میں کرد ملیشیاؤں کے خلاف ایک اور زمینی آپریشن کرنے کی تیاری کررہا ہے۔ اردوان نے انقرہ میں صحافیوں سے گفتگو کرتے ہوئے کہا کہ ہم نے باہمی فیصلے کرنے کے لیے روسی صدر ولادی میر پیوٹن سے حمایت مانگی ہے اور ہو سکتا ہے کہ شمالی شام میں ہم ملکر اقدامات کریں۔اس سے پہلے انہوں نے روسی صدر سے ٹیلی فونک گفتگو میں کہا کہ ترک سرحد سے کم از کم 30 کلو میٹر تک کرد جنگجوؤں کا صفایا کرنا ضروری اور ترجیح ہے۔