روسی فوج کی بیلاروس سے یوکرین پر بڑے حملے کی تیاری

ماسکو: بیلاروس میں تعینات روسی فوج نے یوکرین پر بڑےحملے کی تیاریاں شروع کردیں۔ روسی وزرات دفاع کے مطابق بیلاروس میں روسی بٹالین ٹیکٹیکل مشقیں شروع کریں گی تاہم انہوں نے تاریخ نہیں دی۔ بٹالین کی ٹیکٹیکل مشقوں کے بعد جنگی صلاحیت اور یونٹس کی جنگی تیاری کا حتمی جائزہ جاری کیاجائے گا۔ واضح رہے کہ بیلاروس میں روس کے نو ہزار فوجی سرحدوں کی حفاظت کے لیے موجود ہیں۔ اُدھر صدر زیلنسکی نے دعویٰ کیا ہے کہ یوکرین مشرقی شہر کیف اور اس کے اطراف میں کئی زور دار دھماکوں کی آوازیں سنی گئیں۔ روس اور بیلاروس دونوں کے ساتھ سرحد کی حفاظت ان کی مستقل ترجیح ہے۔