Raza Musani 
واشنگٹن: امریکی عدالت نے سعودی ولی عہد محمد بن سلمان کے خلاف جمال خاشقجی قتل کیس خارج کردیا۔ امریکی ڈسٹرکٹ جج جان بیٹس کا کہنا تھا کہ سعودی ولی عہد کو خاشقجی کیس میں قابل بھروسہ الزامات کے باوجود استثنیٰ حاصل ہے۔ میرے ہاتھ بائیڈن انتظامیہ کی حالیہ سفارشات کے باعث بندھے ہوئے ہیں۔ مقدمہ خارج ہونے کے بعد اب سعودی ولی عہد آزادانہ امریکا جاسکیں گے۔ سعودی صحافی جمال خاشقجی کے قتل کیس کو ان کی منگیتر نے عدالت میں چیلنج کیا تھا۔ ماضی میں امریکا کی مرکزی خفیہ ایجنسی سی آئی اے نے یقین ظاہر کیا تھا کہ سعودی ولی عہد شہزادہ محمد بن سلمان نے صحافی جمال خاشقجی کے قتل کا براہ راست حکم دیا۔ امریکا میں مقیم سعودی صحافی جمال خاشقجی کو 2018ء میں ترکیہ میں واقع سعودی سفارتخانے میں قتل کردیا گیا تھا۔
