Raza Musani 
بغداد : عراق کے صوبے نینوا میں ترکیہ کے زیلیکان بیس کو راکٹوں سے نشانہ بنایا گیا ہے۔ مشرقی دجلہ میں پیش مرگہ فورسز کے اہلکار نے بتایا کہ فوجی اڈے پر 8راکٹ داغے گئے۔۔ نینوا کے دارالحکومت موصل کے مضافات میں زوردار دھماکے سنے گئے۔ میزائلوں کا مقام ابھی تک نامعلوم ہے۔ حملے کی ذمہ داری کسی گروپ نے قبول نہیں کی ہے۔ ایک دن قبل بھی اڈے پر چار راکٹ داغے گئے تھے جس کی ذمہ داری لواء احرار العراق نامی گروپ نے قبول کی تھی۔
