Raza Musani 
بغداد : عراقی کے شہر کرکوک میں بم دھماکے میں بارہ پولیس اہلکار جاں بحق اور دو شدید زخمی ہوگئے۔ کرکوک کے ضلع ریاض میں سڑک کنارے نصب بم دھماکے میں گشت پر مامور پولیس قافلے کو نشانہ بنایا گیا۔ دھماکے کے بعد دہشت گردوں نے پولیس اہلکاروں پر گولیاں بھی چلائیں۔ دھماکے میں پولیس کی دو موبائلوں کو نقصان پہنچا۔ زخمی اہلکاروں کو اسپتال منتقل کیا گیا جہاں ان کی حالت تشویشناک ہے۔عراقی پولیس نے دھماکے میں داعش کے ملوث ہونے کا شبہ ظاہر کیا۔ تاہم ابھی کسی گروپ نے دھماکے کی ذمہ داری قبول نہیں کی ہے۔
