Raza Musani 
تہران : ایران نے ملک میں بدامنی پھیلانے پر درجنوں یورپی و برطانوی اداروں اور شخصیات پر پابندی عائد کردی۔ وزارت خارجہ کے ترجمان نصیر کنانی نے کہا ہےکہ یورپی و برطانوی ادارے اور شخصیات ایران میں تخریب کاری، دہشت گردوں کی معاونت اور نفرت کا پرچار کرنے میں ملوث ہیں۔ ایران نے کہا ہے کہ یہ ادارے اور شخصیات فسادیوں کی سرپرستی کرکے بین الاقوامی ضابطوں کی خلاف ورزی کررہے ہیں۔ ایران یورپ و برطانیہ کو پرتشدد واقعات کا ذمےدار قرار دیتا ہے سفری اور اثاثہ ضبطی کی زد میں آنے والوں میں رائل ائیر فورس مین ود ہل، بحرین میں برطانوی نیول تنصیبات، برٹش کمیٹی فار ایران فریڈم اور ٹونی بلئیر کی تنظیم انسٹیٹیوٹ فار گلوبل چینج بھی شامل ہے۔ ایران میں ماہسا امینی کی ہلاکت کے بعد فسادیوں کی سرپرستی اور بیرونی مداخلت میں ہونے والے پرتشدد مظاہروں میں درجنوں افراد اور سیکیورٹی اہلکار جانبحق ہوچکے ہیں۔
