فیفا انسانی حقوق سے متعلق ذمہ داریاں نہیں نبھا رہا، ایمنسٹی

نیویارک : انسانی حقوق کی تنظیموں نے فیفا پر الزام لگایا ہے کہ اسے فٹبال ورلڈ کپ میں متاثر ہونے والے مزدوروں کی کوئی پرواہ نہیں۔ ایمنسٹی،فئیر اسکوئیر اور ایکویڈم نے فیفا پر الزام لگایا کہ وہ انسانی حقوق سے متعلق اپنی ذمےداریاں پوری نہیں کررہا، ورلڈ کپ کی تیاریوں کے دوران مزدوروں کے ساتھ زیادتیوں کا ازالہ نہیں کیا گیا۔ زیادتیوں کی خبریں جون سے خبروں میں ہیں فیفا نے یقین دہانی کروائی تھی کہ وہ عالمی کپ کی تیاریوں میں مرنے والوں اور زخمی مزدوروں کے نقصانات کا ازالہ کرے گا تاہم فیفا کی جانب سے کوئی پروگرام سامنے نہیں آیا اس کے بجائے لیگیسی فنڈ جاری کیا گیا جس میں مزدوروں کا کوئی ذکر نہیں ہے۔