Raza Musani 
تہران : ایرانی پاسدارانِ انقلاب نے کہا ہے کہ امریکا ایرانی معیشت کی ناکہ بندی اور ایران کے تجارتی راستے بند کر کے اپنے مقاصد حاصل نہیں کر سکتا۔ پاسدارانِ انقلاب فورس کے سربراہ حسین محبی کا کہنا ہے کہ امریکی پابندیوں کے خلاف ایران نے پوری تیاری کر رکھی ہے،انہوں نے کہا کہ ایران اپنے ہمسایوں سے قریبی رابطے میں ہے اور امریکا کا آئرن گیٹ منصوبہ صرف لفظوں کا کھیل ہے۔ حسین محبی نے مزید کہا ہے کہ امریکا اپنے منصوبے سے ایران پر شدید معاشی دباؤ ڈالنے اور ایرانی معیشت کو تباہ کرنے کے مقاصد رکھتا ہے، جس میں وہ کبھی کامیاب نہیں ہوسکتا۔
