Raza Musani 
ابو ظہبی : امریکی فوج کے متعدد C-17 گلوب ماسٹر ٹرانسپورٹ طیارے متحدہ عرب امارات پہنچ گئے ہیں۔ یہ طیارے فوجیوں، بھاری فوجی سازوسامان اور رسد کی منتقلی کے لیے استعمال ہوتے ہیں۔ گزشتہ ہفتے کویت میں امریکی فوج کی 82 ویں ایئربورن ڈویژن کے دستے بھی پہنچے تھے، جو فضائی کارروائیوں اور اہم مقامات پر قبضہ کرنے کی تربیت رکھتے ہیں۔ رپورٹس میں مزید امریکی فوجی دستوں کی متحدہ عرب امارات منتقلی کا امکان بھی ظاہر کیا جا رہا ہے، تاہم اس کی باضابطہ تصدیق نہیں ہوئی۔
