ایران کی مکہ دفاعی معاہدے میں شمولیت پر کوئی پابندی نہیں، ترجمان پاک فوج

راولپنڈی : پاک فوج کے ترجمان لیفٹننٹ جنرل احمد شریف چوہدری نے ایران امریکا ثالثی کے حوالے سے محتاط امید کا اظہار کیا ہے۔ نیوز ایجنسی رائٹرز کو انٹرویو میں پاک فوج کے ترجمان نے کہا کہ اس معاملے پر پاکستان کا مؤقف ہمیشہ محتاط امید کا رہا ہے۔ اگر کوئی مثبت پیش رفت نہ ہوتی تو فیلڈ مارشل دو مرتبہ تہران کیوں جاتے؟۔ فوجی ترجمان نے خبردار کیا کہ اب بھی ایسے بااثر عناصر موجود ہیں جو سمجھتے ہیں کہ تنازع جاری رہنے میں ان کے مفادات وابستہ ہیں۔ انہوں نے کہا ہے سعودی عرب مزید فوج بھیجنے کا فیصلہ حالات اور سیاسی قیادت کے فیصلے سے مشروط ہے۔ غیر ملکی خبر رساں ادارے رائٹرز کو دیئے گئے انٹرویو مین ڈی جی آئی ایس پی آر نے کہا کہ ایران کی مکہ دفاعی اتحاد میں شمولیت پر کوئی پابندی نہیں۔ جو بھی مکہ اتحاد میں شامل ہونا چاہتا ہے اسے خوش آمدید کہیں گے، ڈی جی آئی ایس پی آر نے کہا کہ مکہ معاہدے میں شمولیت کا فیصلہ تینوں فریقین نے کرنا ہے، اجتماعی دفاع،علاقائی امن کا حامی ملک اتحاد میں شامل ہوسکتا ہے۔