Raza Musani 
باکو: آذربائیجان کے دارالحکومت باکو میں ایشیائی سلامتی کے اجلاس کے دوران اسرائیلی صدر اسحاق ہرزوگ کی تقریر شروع ہوتے ہی متعدد ممالک کے نمائندے واک آؤٹ کرگئے۔ اطلاعات کے مطابق واک آؤٹ کرنے والے ممالک میں ترکیہ، پاکستان، سعودی عرب، بنگلہ دیش شامل ہیں، اس سے قبل ستمبر میں اقوام متحدہ کی جنرل اسمبلی کے اعلیٰ سطحی اجلاس کے دوران بھی اسرائیلی وزیراعظم بنیامین نیتن یاہو کی تقریر پر متعدد وفود نے واک آؤٹ کیا تھا۔ اجلاس کے اختتام پر باکو اعلامیے اور پیشہ ورانہ تحفظ و صحت سے متعلق تعاون کے بیان کی منظوری متوقع ہے، جبکہ لاؤس کی سیکا میں شمولیت کا اعلان بھی ایجنڈے میں شامل ہے۔
